Sekretari Organizativ i Partisë Socialiste, Arben Pëllumbi ditën e sotme ka dalë në një konferencë për mediat, ku edhe ka folur për raportin final të OSBE, të cilin e ka cilësuar si më pozitivin e dhënë ndonjëherë për zgjedhjet në Shqipëri.
Pëllumbi gjatë fjalës së tij ka thënë se merita u takon qytetarëve për vlerësimin pozitiv të OSBE për zgjedhjet. Gjithashtu më tej ai thotë se PS tashmë është gati për të adresuar çdo rekomandim që nuk është adresuar ende dhe që propozohet nga OSBE. Pëllumbi shton se PS gjithashtu është gati të bashkëpunojë me OSBE dhe aktorët politikë në vend.
Pëllumbi më tej ka vlerësuar edhe rolin e KQZ-së në këto zgjedhje, ku sipas tij edhe pse pati vonesa në miratimi i rregulloreve, trajtimin e stafit etj, KQZ ia arriti të përmbushë si duhet detyrimet e saj, operoi me transparencë seanca të hapura për aktorët politikë. Në përfundim ai ka falenderuara OSBE-në, për profesionalizmin dhe angazhimin në përmirësimin e zgjedhjeve në Shqipëri.
‘’Në zgjedhjet e 25 prillit, zgjedhësit patën mundësi të zgjedhin mes kandidatëve. Në kushtet e një kuadri ligjor.
Pas një marrëveshje, pas ngërçit politik, atkorët politikë patën besim të mjaftueshëm për të marrë pjesë në zgjedhje. KQZ er riformatuar iu përkushtua organizimit të zgjedhjeve.
Është qartë dhe ap asnjë ekuivok, vlerësimi pozitiv i dhënë ndonjëherë për zgjedhjet në Shqipëri nga ODIHR. Merita u takon qytetarëve që ushtruan të drejtën e votës.
Më lejoni të citoj disa argumenta në mbështetje të konstatimit. Sa i përket zgjedhjeve, përshkruhet pozitivisht puna e KQZ së re, zgjedhjet parlamentare u organizuar mirë nga administrate zgjedhoer.
KQZ u përball me detyrime të reja të zgjeruara. Pavarësisht vonesave, miratimi i rregulloreve, trajtimin e stafit, KQZ ia arriti të përmbushë si duhet detyrimet e saj, operoi me transparencë seanca të hapura për aktorët.
Administrimi zgjedhor në të gjitha nivelet gëzoi vlerësimin e aktorëve. Si KAS, ashtu dhe Kolegji Zgjedhor shqyrtuan mosmarrëveshjet zgjedhore. Sa i përket përdorimit të teknologjisë, misioni shprehet se në përputhje me praktikat më të mira, KQZ pilotoi teknologji të reja votimi.
U theksua liria themelore, se ne këto zgjedhje në dallim nga zgjedhjet e tjera hetimet filluan zyrtarisht në shumë raste. Pretendimet nuk u kufizuan në vetëm një subjekt politik.
Së pesti, në mënyrë të veçantë janë rekomandimete OSBE/ODIHR në vendin tonë. Angazhimi ynë si forca më e madhe politike është adresimi i rekomandimeve. Një numër të rekomandimeve të OSBE dhe Komisionet u adresuan, të tjera mbetën të paadresuar.Dëshirojmë të shprehim gatishmërinë tonë me OSBE dhe për të vijuar përpjekjet me aktorët në vend për të adresuar rekomandimet në frymë e letër. Në përfundim, falenderojmë OSBE për profesionalizmin dhe angazhimin në përmirësimin e zgjedhjeve në Shqipëri. ‘’- tha Pëllumbi.
