Ngjarjet e ndodhura së fundmi ku kanë qenë në epiqendër figura të njohura të Partisë Socialiste, kanë bërë që interesi publik për to të rritet. Pikërisht për këtë arsye, kryeministri Rama i ftuar në Real Story, është shprehur për skandalin e bërë publik nga VOA për blerjen e votave se kjo media nuk përfaqëson SHBA-të.
Kaq ka mjaftuar për të vazhduar edhe fjalën e tij duke thënë se Vangjush Dado, me bindjen e tij të plotë mund të rikandidojë edhe “500 herë të tjera” nëse prova për lidhjen me grupin ‘Avdylaj’ janë bisedat telefonike.
“ E para si mundet “Zëri i Amerikës” që të bëhet zëdhënës i medias në Shqipëri. Nuk kam asnjë kompleks që më sulmon “Zëri i Amerikës”. Të dyja herët i ka bërë këto lajme nga gazetarë shqiptarë. Le të jetë dhe CNN. Herën e parë bënë një goditje skandaloze për punësimet në burgje.
Ministrja e Drejtësisë iu vuri në dispozicion mijëra faqe të dokumentuara. Nuk janë fakte janë muhabete telefonash. Me muhabete mund të ngatërrohej gjithë Shqipëria. Nuk mund të ngresh akuza për dikë bazuar në raporte telefonatash.
Sokol këtë të lutem mos ma thuaj se nuk kam asnjë lloj tendence të them diçka që është njëri dhe tjetri. Nëse bëhet fjalë për këto muhabete , Dako mund të kandidojë edhe 500 herë të tjera”, tha Rama.
