Kryeministri Edi Rama ka vendosur rregulla të reja për qarkullimin e këmbësorëve.
Që nga dita e hënë, askush nuk do të dalë më në Pazar, pa marrë leje digjitale me e-mail ose me telefon në emër të familjes.
Rama njofton se pas pak do të prezantojë edhe aplikacionin, i cili do të jetë e vetmja mënyrë për të dalë nga shtëpia në Tiranë dhe qendra urbane.
Ndërkohë që nga ora 13:00 ditën e nesërme e deri të hënën, ndalohet qarkullimi i njerëzve, si dhe dyqanet do të jenë të mbyllura.
Postimi i Ramës
GATI APLIKACIONI ONLINE OSE ME SMS PËR LEJE-DALJEN E VETËM NJË PERSONI NGA FAMILJA PËR TË BËRË PAZAR!
NJËSOJ SI JAVËN E SHKUAR, NGA ORA 13.00 NESËR DERI TË HËNËN 05.00 TË GJITHË NË SHTËPI DHE TË GJITHË QEPENAT MBYLLUR!
NGA E HËNA ASKUSH NUK DEL DOT MË NË PAZAR, PA MARRË LEJEN DIGJITALE ME E-MAIL OSE TELEFON NË EMËR TË FAMILJES
*pas pak do të bëjmë prezantimin e aplikacionit që është shumë i thjeshtë dhe nga e hëna e deri në mbarim të luftës, do të jetë e vetmja rrugë për të dalë nga shtëpia në Tiranë e në qendrat urbane.
Bilanci i COVID-19 në vendin tonë ka shkuar në 186, në mesin e të cilëve 31 të shëruar dhe 8 viktima.
Në spitalin Infektiv janë shtruar 77 persona, 3 prej të cilëve në terapi intensive.
Hartës së qyteteve të prekura i është shtuar edhe Puka me dy raste, të cilët dyshohet se janë infektuar nga kontakti i parë i pacientit zero, i cili është shëruar tashmë.
Autoritetet ndërkohë vijojnë me thirrjet për respektimin e rregullave të higjienës, distancimit social dhe kufizimit të daljeve nga shtëpitë.
