Ndonëse në konferenca të ndryshme, në të njëjtën orë, kryedemokrati Basha e ish kryeministri Sali Berisha kanë akuzuar kreun e qeverisë Rama.
Deklaratave kryeministri i është përgjigjur përmes një postimi në tëitter, ku fton demokratët t’i bashkohen në një kushtrim për t’i dhënë më të mirën Shqipërisë.
“Lërini në fatet e parashkruara humbësin kronik të selisë blu dhe personazhin pa seli të listës së zezë, të cilët të kujtojnë të dy fjalët e Xhokerit, “Skam asgjë për të humbur. Asgjë s’më dhemb dot më. Tashmë jeta ime është thjesht një komedi”! Sa u shkon ai llafi… Varu teneqet! Kur shoh këto dy kufoma politike që luajnë kështjellash në mes të Tiranës dhe fajësojnë njëra-tjetrën se kush është shërbëtori im, më vjen t’u lëshoj demokratëve një kushtrim të megjithëzemërt: Ejani t’i japim ç’mundemi Shqipërisë, të bashkuar si shqiptarë, si qytetarë, si njerëz!”- shkruan Rama.
Kujtojmë se protesta e ditës së sotme ka qenë e dhunshme dhe policia ka përdorur gazin lotsjellës kundrejt protestuesve, ku ndër të lënduarit ka qenë edhe vetë Berisha.
Ndërkohë për sa i përket akteve të dhunshme, Policia e Shtetit ka shoqëruar 12 persona, pjesëmarrës në protestën e dhunshme sot në selinë e PD, Policia. Këta persona janë shoqëruar në komisariatin nr.1 në kryeqytet.
Mbështetës të Berishës tentuan që të hynin në ambientet e selisë blu, duke iu përgjigjur thirrjes së ish-kryeministrit që Basha të linte zyrën e tij, me pretendimin se ishte shkarkuar në një referendum të 18 dhjetorit.
Ndërkohë për sa i përket akteve të dhunshme, Policia e Shtetit ka shoqëruar 12 persona, pjesëmarrës në protestën e dhunshme sot në selinë e PD, Policia. Këta persona janë shoqëruar në komisariatin nr.1 në kryeqytet.
Mbështetës të Berishës tentuan që të hynin në ambientet e selisë blu, duke iu përgjigjur thirrjes së ish-kryeministrit që Basha të linte zyrën e tij, me pretendimin se ishte shkarkuar në një referendum të 18 dhjetorit.
