Kryeministri Edi Rama është nisur sot drejt Francës për një vizitë në Paris, ku do të pritet nga Presidenti francez, Emanuel Macron.
Lajmin e ka bërë të ditur faqja zyrtare e Presidencës franceze, ku ndër të tjera njofton se takimi mes Ramës e Macron do të nisë në orën 13:00 të kësaj të hëne.
Në axhendë thuhet se pas takimit në pallatin presidencial, “Elysee” do të ketë një drekë mes kryeministrit Rama dhe Presidentit Macron në orën 13:20.
Sakaq ende nuk dihen temat e diskutimit që do të trajtohen në takimin Rama-Macron, por pritet që fokusi qendror të jetë në temat e menaxhimit të situatës së pandemisë nga COVID-19 dhe procesi i negociatave të BE me Shqipërinë.
Kujtojmë se Franca ka qenë një ndër vendet më skeptike për të aprovuar hapjen e negociatave me vendet e Ballkanit.
Takimi i fundit mes Ramës dhe Presidentit Macron në Paris daton më 15 Maj 2018, ndërsa duhet kujtuar se shteti francez, u tregua më skeptike me Shqipëinë sa i përket çeljes së negociatave.
Nuk duhet harruar se, një vizitë e tillë, në prag të nisjes zyrtare të fushatës në Shqipëri, do të përdoret edhe elektoralisht nga kryeministri Edi Rama.
