Prezantimi i kabinetiti të ri nga kryeministri Edi Rama në Asamblenë e mbajtur ditën e sotme ka sjellë jo pak reagime dhe nga deputetët e zgjedhur. Në lidhje me postet qeverisëse të reja ka ardhur një reagim edhe nga ana e Ditmit Bushatit i cili është ende një kandidat për anetarë të Kryesisë së lartë.
Ditmir Bushati flet për herë të parë për media pas emërimit nga kryeministri Edi Rama si anëtar i grupit të punës për ngritjen e Akademisë Politike të PS, ndërsa është edhe kandidat për anëtar të Kryesisë së partisë.
Duke folur për media, Bushati theksoi se shpreson që të zgjidhet anëtar Kryesie për të vijuar kontributin në PS.
“Ju falënderoj për interesin që keni, për Asamblenë e PS. Unë kam bërë votimin si gjithë anëtarët e tjerë të Asamblesë. Shpresoj të zgjidhem dhe të vazhdoj kontributin tim për PS. Kam përshtypjen që në fjalën e tij, kryetari i PS e theksoi se ka vend për të përmirësuar gjithë hapësirën e debatit politik. Përmirësimi i hapësirës së debatit politik jam i bindur që do të fillojë nga PS”, tha Bushati.
Kujtojmë se Ditmir Bushati ka pasur disa përplasje të forta me kryeministrin Edi Rama, ku ky i fundit nuk e përfshiu në zgjedhjet parlamentare të 25 prillit.
