Një mjeke është arrestuar në Shijak pasi akuzohet se ka mjekur në mënyrë të pakujdeshme një 40-vjeçar i cili ka ndërruar jetë në shtëpi.
Policia e Shtetit njofton se vëllai i pacientit që ka ndërruar jetë, E.M., 31 vjeç ka bërë kallëzim për të. Mjekja 47-vjeçare, identiteti i të cilës ende nuk dihet është arrestuar tashmë nga policia. Policia nuk sqaron nëse 40-vjeçari, E.M., ka qenë duke u trajtuar në shtëpi për shkak të infektimit me COVID19 apo jo.
“Shijak – Specialistët për Hetimin e Krimeve në Komisariatin e Policisë Shijak proceduan penalisht për veprën penale “Mjekim i pakujdesshëm”, shtetasen P. K., 47 vjeçe, banuese në Durrës, me detyrë mjeke në Spitalin Rajonal Durrës. Për këtë shtetase ka bërë kallëzim shtetasi E. M., 31 vjeç, pasi dyshohet se ka mjekuar në mënyrë të pakujdesshme vëllanë e tij, shtetasin E. M., 40 vjeç, i cili ka ndërruar jetë në banesë. Grupi hetimor vijon punën për zbardhjen e plotë të rrethanave të ngjarjes.”, thuhet në njoftim e policisë.
Kujtojmë se mëngjesin e sotëm u lajmërua se një 40-vjeçar ka ndërruar jetë në shtëpinë e tij në Durrës, ndërsa familjarët kanë denoncuar mjeken që i ofronte trajtimin mjekësor, duke e akuzuar për mjekim të pakujdesshëm.
Për këtë arsye, policia ka nisur hetimet për mjeken P. K., 47 vjeçe, e cila akuzohet për veprën penale “Mjekim i pakujdesshëm”.
