Qytetarët të tmerruar nga breshëria e kallashit, dalin detajet e para nga plagosja në Kavajë

Google+ Pinterest LinkedIn Tumblr +

Një plagosje me armë zjarri është regjistruar mëngjesin e sotëm në Kavajë.

Personi i plagosur u qëllua me breshëri kallashnikovi, por mori vetëm një plumb në bark.

Ai u dërgua menjëherë në spital me një makinë private.

E gjithë skena është parë nga gazetari i “News24”, i cili ndodhej vetëm 20m larg vendit ku ndodhi krimi.

“Qyteti i Kavajës është tronditur nga një plagosje me një breshëri arme tip kallashnikov, unë ndodhesha rreth 20 metra larg ngjarjes dhe u tmerrova, të gjithë njerëzit ulërinin. Ishin rreth 5 ose 7 plumba, të lëshuara nga armët. I plagosuri ndodhet në spital, është qëlluar disa herë ndaj tij, por ka marrë vetëm një plumb në bark. Me dorën e majtë mbante të shtrënguar plumbin, ai u mor me një makinë private, që e shoqëroi menjëherë drejt spitalit”, u shpreh gazetari.

Më tej ai ka zbuluar edhe emrin e autorit të dyshuar të plagosjes, i cili është Fitim Baboqi.

Edhe pas plagosjes, autori ka vijuar të qëllojë në ajër, por kanë ndërhyrë disa të njohur të tij, që e kanë neutralizuar deri në mbërritjen e policisë.

Situata në qytet vijon të jetë e tensionuar, pas palët janë ende duke u konfliktuar, ndërsa policia ka shoqëruar dy persona.

Shpërndaje
Share.

Komento