Moderatori i njohur Eno Popi u bë baba për herë të parë në vitin 2018 me bashkëshorten Atena Pali. Ata mirëpritën vogëlushen Liv dhe e mbajtën mjaft diskrete jetën e tyre si prindër, duke mos publikuar foto të vajzës.
Fotot e para të vajzës ai i publikoi në ditëlindjen e parë të vogëlushes dhe që në atë kohë nuk e kishim parë si dukej Liv.
Në prill ai publikoi një foto në Instastory ku shihej duke puthur të bijën teksa e mbante në krahë, duke na falur edhe foton më të adhurueshme të mundshme.
E kur kanë kaluar kaq shumë muaj, më në fund Eno ka postuar një tjetër foto me të voglën e tij, e cila tashmë është bërë një zonjushë e bukur e adhurueshme.
Babë e bijë shihen në një ambient të mbyllur krah njëri-tjetrit, teksa Livi duket se është rritur shumë nga fotoja e fundit që moderatori ka postuar në Instagram.
Kujtime nga ditët me Covid”-ka shkruar ai.
Ndërkohë, Eno këtë sezon të ri ka ardhur me një emision radiofonik në TAR, të titulluar “Filloje nga Zero” – “Dilema Sociale”.
Mes intervistave dhe monologjeve, Eno do të përplasë ide dhe opinione, do të shpërfaqë të vërteta e thyejë mite e teori konspirative dhe mbi të gjithë shoqërojë dëgjuesin me atë që i mungon gjithmonë e më tepër sot, media cilësore dhe frymëzuese.
Nën moton “Filloje nga Zero” – “Dilema Sociale” do të ketë mision të bëjë dëgjuesin të mendojë dhe të mos ndihet i vetëm në botën e miqësisë virtuale, Pandemive Globale, rrënimit të Demokracisë dhe sfidave të tilla të ngjashme./Iconstyleal/
