Pse nuk i pranoni vaksinat ruse? Mjeku pyet shefin e urgjencës, Brataj: “Dua të dhëna shkencore”

Google+ Pinterest LinkedIn Tumblr +

Pak kohë më parë shkaktoi shumë debat refuzimi që iu bë vaksinave anti-COVID që Rusia i ofroi falas vendit tonë. Mbrëmjen e sotme ky debat është rihapur sërish në studion e emisionit “Open” mes mjekëve Artan Koni dhe Skënder Brataj. Koni e ky pyetur Bratajn se përse vendi ynë nuk i ka pranuar vaksinat e Rusisë apo të Kinës duke kërkuar që qeveria të tentojë të sigurojë doza të tyre. Ndërkohë, Brataj ka ndërhyrë duke thënë se ai nuk do të pranonte të vaksinohej me dozat ruse apo kineze pasi ato nuk i kanë kaluar të gjitha fazat e testimit. Koni nga ana tjetër ka thënë se edhe Serbia dhe Turqia janë duke i marrë këto vaksina, ndërsa Brataj i është përgjigjur se Serbia është filo-ruse.

Pjesë nga debati:

Artan Koni: Rajoni përfshirë Turqinë, merr vaksinën ruse dhe kineze.

Skënder Brataj: Atëherë si shpjegohet që këto vende ka vaksinuar 2.8% të popullsisë së tyre. Rusia ka qenë e para. Unë nuk di asnjë gjë për vaksinën kineze dhe ruse. Unë si specialist nuk e bëj.

Artan Koni: Patjetër

Skënder Brataj: Dua të dhëna shkencore që i ka kaluar në të treja fazat.

Artan Koni: Keni të drejtë që Turqia dhe Serbia po ia fusin kot.

Skënder Brataj: Serbia është filo-ruse.

Artan Koni: Mjekësia turke është shumë më keq se ne dhe prandaj marrin dozat.

Skënder Brataj: Mos më vër në gojë fjalë që nuk i kam thënë.

Procesi i vaksinimit po ecën me ritme shumë të ngadalta në vendin tonë, teksa deri tani janë kryer jo më shumë se 6728 vaksina. Ndërkohë, ditën e sotme kanë mbërritur 8190 doza të tjera të vaksinës Pfizer, një sasi mjaft e vogël duke marrë parasysh se duhen dy doza për një person në mënyrë që të arrihet mbrojtja më  e mirë.

 

 

Shpërndaje
Share.

Komento