Më 28 prill, ministrja e Arsimit, Besa Shahini, teksa njoftoi vijimin e procesit mësimor të ndërprerë më 9 mars për shkak të pandemisë, bëri me dije se të vetmit që do rikthehen në bankat e shkollës më 18 maj deri më 5 qershor janë maturantët, ku rregullat do jenë strikte dhe mësimi do zhvillohet mbi bazën e protokollit që do publikohet nesër dhe sipas ministres, mësimi do organizohet në klasa me nga 10-12 nxënës, e po ashtu do përdoren edhe ambientet e shkollave 9-vjeçare.
Maturantët do orientohen mbi provimet e maturës, ku nuk do përfshihen mësimet e zhvilluara nga shtëpia, teksa provimet do realizohen mes datave 8 dhe 18 qershor, nën masat striket dhe rregullave të pandemisë dhe provimet do bazohet tek njohuritë e marra nga klasa e 10 deri në klasën e 12, para pandemisë, si edhe do ketë lehtësime.
LEXO: Mbyllja e vitit shkollor: Ja 4 vendimet përfundimtare që komunikoi ministrja Besa Shahini
Ditën e sotme, drejtoresha e Qendrës së Shërbimeve Arsimore (QSHA), Rezana Vrapi ka dhënë detaje të rëndësishme mbi përmbajtjen e testit të Maturës Shtetërore.
Nëpërmjet një video-mesazhi, të publikuar në Facebook nga Besa Shahini, Vrapi thekson se:
“Çdo test i Maturës Shtetërore bazohet në një program orientues, i cili publikohet nga Agjencia e Sigurimit të Cilësisë së Arsimit Parauniversitar (ASCAP). Kjo agjenci, para disa ditësh, bëri publikimin e testeve të rishikuara ku janë hequr temat, të cilat janë bërë nga marsi e në vijim, pra në kushtet e të mësuarit online”.
Ndër të tjera, Drejtoresha e QSHA shprehet gjithashtu se “kujdesi i çdo specialisti hartues-testi në QSHA është që të bazohet në programin e rishikuar. Prandaj, gjithçka që po bëjnë maturantët në këtë fazë është që të përsërisin pikërisht temat, të cilat janë publikuar në programet e rishikuara”.
Linku per maturantët
Kujtojmë se Shahini ka bërë me dije se për shkak të situatës së krijuar nxënësit nga klasa e 1 deri në klasën e 11 nuk do kthehen në shkollë, por do vijojnë mësimin nga shtëpia.
Mësimi online do vijojë deri në 29 maj, ndërsa vlerësimet përfundimtare do mbyllen 2 javët e para të qershorit nga mësuesit në shkollat përkatëse, ku vlerësimi i çdo nxënësi do bëhet mbi bazën e notave të marra deri më 9 mars, kurse nga mësimi online do përfshihen vetëm notat që i ndihmojnë nxënësit.
Sakaq, provimet e klasave të 5-ta dhe të 9-a anulohen.
