Kur kanë mbetur edhe pak orë nga nisja e protestës së opozitës, deputetja Rudina Hajdari ka bërë thirrje për vetëkontroll.
Deputetja Rudina Hajdari ka dërguar një mesazh pak orë para nisjes së protestës së pestë kombëtare të opozitës. Në një postim në “Twitter”, Hajdari i uron fillimisht shërim të shpejtë sekretarit organizativ të PD-së Sahit Dollapi dhe më pas bën thirrje të shmanget dhuna në protestën e sotme.
Ajo shkruan se kundërshtarët politikë nuk janë armiqtë tanë dhe dhuna i bën fajtore të dyja palët.
“Duke marrë parasysh pasojat e dhunës të së shtunës & duke i uruar shërim të shpejtë Sahit Dollapit dhe të gjithë të lënduarve, uroj që të shmangim përplasjen vëllazërore sot. Kundërshtarët politikë nuk janë armiqtë tanë dhe sjellja barbare i bën të baras-fajshme të dyja krahët”, shkruan Hajdari.
