Protesta e opozitës ka qenë padyshim një nga më të përfolurat këto dy ditë, ndërsa reagimin e tij e ka dhënë ditën e sotme edhe kryedemokrati, Lulzim Basha.
Përmes një postimi në rrjetin e tij social, Facebook, Basha është shprehur se opozita e ka gjetur rrugën e saj dhe e ka bër zgjedhjen dhe ajo është me njerëzit kundër qeverisë së bandave.
Edhe një herë tjetër Basha ka përmendur faktin se qeveria ka blerë votat e qytetarëve dhe përpos këtij fakti edhe ka guxuar që të përdorë dhunë dhe gaz lotsjellës gjatë protestësduke i helmuar ata.
Basha gjithashtu ka shpërndarë edhe një video nga protesta.
Postimi i plotë:
Ne e kemi bërë zgjedhjen: me njerëzit kundër një qeverie-bandë dhe kryehajdutit të saj që pasi i ka vjedhur dhe braktisur, tani i dhunon dhe i helmon ata!
Ky kryeminister hajdut është kapur duke vjedhur shqiptarët dhe duke blerë votat e tyre bashkë me krimin.
Kjo qeveri-bandë u vuri kryqin shtëpive të shqiptarëve, i ka vënë kryqin të ardhmes sonë europiane. Prandaj tani populli i ka vënë kryqin kësaj bande hajdute dhe nuk do të ndalet!
