Bordet e rregullimit të çmimit të naftës dhe shportës bazike të ushqimeve janë struktura që kanë dëmtuar tregun.
Këtë e konfirmon edhe ish-zëvendës kryeministri Erion Braçe, i cili ka shigjetuar bordet duke thënë se janë provë e pastër e abuzimit në treg
Braçe tha se sot janë në treg 4 operatorë ndërsa theksoi se tregjet janë këneta. Ndër të tjera Braçe nënvizoi se PS nuk ja doli të hiqte barrierat e vendosura gjatë 8 vieve të qeverisjes së PD, e të krijonim hyrjet e reja në treg duke theksuar se duhet luftuar abuzimi.
“Ekzistenca e bordeve është prova më e qartë e abuzimit në treg. E abuzimit me çmimet me fiksimin e tyre. Janë marrëveshje që kanë cenuar konkurencën në vite. Vajin 98 përqind te tregut e kanë 3 kompani. Drithin e kanë 4 kompani, orizin atë kokërrgjatin 95% të tregut e kanë 3 kompani, i gjithë ushtrimi i bordit kanë njohur edhe përqëndrimin e tregut dhe abuzimin. Jemi në regjimin e rregullimit të çmimeve nga bordet. Tregjet tek ne janë këneta, nuk ndryshon asgjë në to. Tregu i naftës që kishte 5 operatore ka sot 4 operatorë kryesore. Tregjet e tjera janë në po të tilla kategori. Ne nuk ja dolëm do të të hiqnim barrierat e vendosura gjatë 8 vieve të qeverisjes së PD, e të krijonim hyrjet e reja në treg. Duhet luftuar abuzimi, duhet ndarë mendja ose me tregtarët ose me fshatarët” është shrpehur Braçe përgjatë fjalës së tij në Kuvend.
Vlen të përmendim që bordet janë shndërruar në “mashën” e kompanive të cilët operojnë në treg, me qëllimin për të maksimizuar fitimin e tyre.
Kujtojmë që të shumtë kanë qenë ata që kanë ngitur në pikëpyetje funksionimin e bordeve të krijuara për çmimet në vend.
Edhe ish-kryeministri Berisha shpesh herë ka vendosur theksin tek fakti se Bordet janë fiktive dhe në funksion të oligarkëve. Sipas tij, qeveria ne vend të indeksojë dhe kompensojë rritjen e çmimeve ka vendosur bordet, apo siç i quan ai ‘shushunja’./ Gazeta Reforma
