Policia greke ka arrestuar një bandë me 14 anëtarë që shpërndante drogë. Bandës iu sekuestrua më shumë se 10 kg kanabis, që dyshohet se vinte nga Shqipëria. Në ambientet e kontrolluara u kapën 7 peshore, armë, 39.060 euro, 5 automjete, 6 motorra dhe 36 telefonë.
Bëhet me dije se kanë rënë në pranga edhe dy organizatorët. Mediat greke raportojnë se rrjeti kriminal ishte strukturuar dhe funksiononte në formën e 2 grupeve Kreu i grupit të parë kishte bashkëpunim të drejtpërdrejtë me udhëheqësin e të dytit, i cili e furnizonte me drogë që vinte ose nga qytetet përreth ose nga Shqipëria. Nuk dihet ende nëse mes të arrestuarve ka shqiptarë.
/GazetaReforma.com/
