Shtetet europiane po provojnë gjithë farë lloje masash për të luftuar koronavirusin, duke nisur që nga rikthimi i karantinës e deri tek maskat dhe profilaktikët.
Por Irlanda duket se ka shpikur një metodë të re për të ulur ndjeshëm numrin e infeksioneve me Covid, duke dalë e para ndër shtetet europiane që arriti brenda tre javëve të ulë numrin e të infektuarve.
Fjala është për krijimin e formave që të mos krijojnë dyndje njerëzish si nëpër dyqane ashtu edhe nëpër vende publike, në një kohë që gjithë Irlanda është në karantinë absolute.
Për të mbajtur gjithçka brenda kufijve të rreptë, po ndihmon edhe policia irlandeze, e cila po ruan produktet esenciale nga klientët.
Kjo bën që kush do që vjen nëpër dyqane gjen gjithmonë produktin që do, askush nuk abuzon dhe për më tepër secili ruan normat dhe masat e sigurisë.
Ditën e djeshme, Irlanda kishte numrin më të ulët të rasteve të reja në tri javët e fundit, pas hyrjes në fuqi të masave më të rrepta epidemiologjike.
Qeveria e kryeministrit Michael Martin, konfirmoi kthimin e vendit në nivelin më të lartë të kufizimeve në luftën kundër koronavirusit dhe të gjitha dyqanet përveç ushqimoreve u mbyllën për gjashtë javë, ndërsa restorantet shërbejnë vetëm ushqim dhe njerëzit nuk lejohen të shkojnë më shumë se pesë kilometra nga shtëpitë e tyre.
Dy javë më parë, të gjithë restorantet u mbyllën dhe numri i vizitave në familje ishte i kufizuar.
Irlanda regjistroi dje 675 raste të reja të COVID, numri më i ulët që nga 9 tetori. Në të njëjtën kohë, mesatarja e shtatë ditëve ra nga 1176, shtatë ditë më parë, në 866.
/GazetaReforma.com/
