Nëna e Bledar Selmanajt, i akuzuar për vrasjen e Xhuliano Bullarit, ka deklaruar i biri i kishte sjëllë gjithmonë probleme. Në një prononcim për Neës 24 ajo tha se prej 12 vitesh familja i kishte shkëputur lidhjet me Bledar Selmanajn, vetëm ajo si nënë fliste me të. Më tej ajo ka treguar se e ka parë të birin në shtëpinë e tij ditën e krimit, deri në ora 12 dhe më pas në mbrëmje.
“Djali im ka dalë më 5 gusht nga burgu. Neve i kishim të shkëputura lidhjet me të këtu e 12 vjet, i kishim bërë dalje, se gjithmonë shqetësime na ka sjellë. Ka dalë në shtëpi më vete, kishte një dhomë. Vetëm unë si nëna e tij flisja me të, më kërkoi një telefon dhe ja dhashë që të kisha kontakt me të. E merrja dhe e pyesja ku ishte, më thoshte që ka dalë deri te xhamia ose në Lungomare dhe do kthehej. Ditën e krimit, unë e kam parë deri nga ora 12, e kam parë që ishte te shtëpia e tij, sepse unë jetoj larg, jo në shtëpi me të. E kam parë prapë, ka qenë ora 21:00, ose 21:15, pastaj kam marrë fëmijët dhe i kam çuar në gjumë”, ka thënë ajo.
Nëna e Selmanajt e ka dënuar ashpër krimin e të birit dhe i ka bërë një thirrje të fortë Prokurorisë. Ajo kërkoi që i biri të dënohej në mes të Tiranës, ndryshe do ta vriste me duart e saj, nëse ka pasur dorë në krim.
Të dielën ka ardhur policia, kur shkova, nuk e gjeta djalin në shtëpi. Vajta me vrap te shtëpia e tij dhe pashë policët që nxorën një armë nga dheu. Ju luta policëve për një deklaratë dhe ju thashë se po u vërtetua që djali im e ka vrarë atë, unë do ta vras me duart e mia. I bëj thirrje Prokurorisë së Përgjithshme mos ta mbajnë në burg atë djalë, por ta çojnë në mes të Tiranës dhe t’i japin plumbin. Përndryshe vij dhe unë, nëna e tij, dhe e vras vetë me duart e mia. Të ma bien edhe sot, unë e vras vetë, nëse ka pasur dorë në krim”, tha nëna e Selmanajt.
Ngjarja e rëndë nodhi në Babicë të Vlorës, ku Xhuliano Bullari u gjetë i pajetë brenda një makine. Ai ishte qëlluar me dy plumba në pjesën e kokës, duke humbur jetën në vend. Për krimin e rëndë u arrestua në zonën e “Bllokut” në kryeqytet Bledar Slemanaj, 39 vjeç. Ai e kishte fshehur armën e krimit në oborrin e banesës, ndërsa gjykata e la në burg.
