Ylli i Barcelonës dhe Francës Ousmane Dembele ka shkaktuar polemika të shumta pasi u shfaq duke tallur punëtorët aziatikë në një video të publikuar së fundi që është shpërndarë gjerësisht në mediat sociale.
Dembele dhe shoku i tij i skuadrës së UEFA Euro 2020, Antoine Griezmann, shfaqen në video duke bërë komente ndërsa teknikët aziatikë rregullojnë një televizion në një dhomë hoteli, me klipin që po qarkullon në mediat sociale që prej së premtes.
24-vjeçari është kritikuar për racizëm dhe klasizëm në lidhje me përmbajtjen e videos me disa përdorues të mediave sociale duke përdorur hashtagun “Stop Asian Hate”.
Anësori i Francës Dembele duket se i thotë Griezmann: “Të gjitha këto fytyra të shëmtuara, vetëm për të na krijuar neve PES [Pro Evolution Soçer, lojë kompjuterike]. Nuk keni turp?”
“Çfarë lloj gjuhe e prapambetur është ajo?”, pyet Dembele, ndër komentet e tjera.
Teksa afron fytyrën e punëtorit aziatik, Dembele thotë: “O Zot çfarë fytyre?! A jeni të avancuar teknologjikisht në vendin tuaj apo jo?”
https://twitter.com/i/status/1410746677158301697
Duket se Dembele është ai që regjistron videon ndërsa Griezmann qesh së bashku me të pasi tha diçka të padëgjueshme në fillim të klipit 42 sekondësh. Dyshja e Barcelonës kanë luajtur për Francën në Euro 2020 por video besohet se daton që nga viti 2019. Raportet nga Hollanda sugjerojnë se ishte gjatë turneut të palës spanjolle në Japoni atë verë.
