“ Përsëritësi”/ Arrestohet 39-vjeçari në Elbasan, kishte bërë namin me vjedhje

Policia e Elbasanit ka arrestuar një 39-vjeçar pasi dyshohet se ka kryer të paktën 4 vjedhje. Shtetasi me iniciale F.Z. ra në prangat e policisë në kuadër të operacionit të koduar “Përsëritësi”. Materialet hetimotre i kaluan prokurorisë për hetime të mëtejshme.

Njoftimi i Policisë:

Elbasan

Finalizohet me sukses operacioni policor i koduar “Përsëritësi”, për zbardhjen e rasteve të vjedhjeve të ndodhura në qarkun e Elbasanit.

Arrestohet në flagrancë një 39-vjeçar, i cili ishte kthyer në shqetësim për qytetarët.

Zbardhen dhe 4 vjedhje të kryera nga ky shtetas.

Në vijim të punës për parandalimin e vjedhjeve, zbardhjen e rasteve të ndodhura më parë, identifikimin dhe vënien para përgjegjësisë ligjore të autorëve, specialistët për Hetimin e Krimit në Komisariatin e Policisë Elbasan organizuan dhe finalizuan operacion policor të koduar “Përsëritësi”, në kuadër të të cilit u arrestua në flagrancë shtetasi:

1. Z., 39 vjeç, banues në Elbasan.

Arrestimi i tij u bë pasi ditën e djeshme, në lagjen “5 Maji”, Elbasan, i ka vjedhur portofolin shtetases A. D.

Nga veprimet hetimore të kryera dyshohet se ky shtetas është autor dhe i 4 vjedhjeve të tjera të ndodhura në qytetin e Elbasanit, konkretisht:

Më datë 01.02.2021 dyshohet se i ka vjedhur një aparatin celular shtetases V. B.;

Më datë 29.01.2021 dyshohet se i ka vjedhur portofolin shtetases L. D.;

Më datë 28.01.2021 dyshohet se i ka vjedhur portofolin shtetases M. T.;

Më datë 18.12.2020 dyshohet se i ka vjedhur çantën shtetases B. Ll.

Vijon puna për zbardhjen dhe dokumentimin e vjedhjeve të tjera që dyshohen se janë kryer ky shtetas.

Materialet hetimore i kaluan Prokurorisë pranë Gjykatës së Shkallës së Parë Elbasan, për veprime të mëtejshme.