“Përse OFL nuk ndalon makinat luksoze të Edi dhe Olsi Ramës?”, ja përgjigjja e qeverisë ndaj akuzave

Google+ Pinterest LinkedIn Tumblr +

Kapja e Vladimir Gjutës një ditë më parë me armë pranë selisë së PS, ndërkohë që zhvillohej mbledhja e Kryesisë, bëri që kryeministri Rama të largohej me një mjet tip “Lincoln” të blinduar.(lexo këtu)

Ky veprim nuk i shpëtoi Sekretarit të Përgjithshëm të PD-së, Gazmend Bardhi, i cili me anë të një reagimi në Facebook shkroi se makina me targa TR 0370 T i përket vëllait të Edi Ramës, Olsi Ramës, dhe si e tillë është e paprekshme nga policia.

Ai e krahasoi atë me “Audin” e famshëm të ish-ministrit të Brendshëm Saimir Tahiri, teksa pyet se përse OFL nuk e ndalon për verifikim duke e akuzuar për shkelje ligji. (Lexo këtu)

Së fundmi, akuzave të PD-së iu është përgjigjur zëvendës ministrja e Brendshme, Rovena Voda, e cila ishte e ftuar në emisonin “Repolitix”.

Voda u shpreh se kryeministri Edi Rama dhe vëllai i tij Olsi nuk janë pjesë e subjekteve që janë caktuar për t’u hetuar dhe sipas saj, jo çdo makinë e blinduar i përket një grupi kriminal.

“Kjo duket fiks sikur opozita po bën show. Jo çdo automjet i blinduar i përket një grupi kriminal. Ne jemi pesë persona që caktojmë subjektet. Unë nuk di që personat që u përmendën të jenë pjesë e tyre. Nëse nuk janë pjesë e subjekteve atëherë nuk bëjmë dot gjë,”- tha Voda.

Kujtojmë se Operacioni “Forca e Ligjit” është Njësia Speciale që del në terren për të zbatuar në bashkëpunim me SPAK-un, Ligjin Special të sapo miratuar për masat pasurore ndaj personave të dënuar ose akuzuar për krim të organizuar.

Shpërndaje
Share.

Komento