Një aksident tragjik ka ndodhur në lagjen “3 Heronjtë” të Shkodrës, ku një grua 70-vjeçare ka përplasur për vdekje një këmbësore.
Viktima, një grua 65-vjeçare e identifikuar si L. N., ndërroi jetë në Spitalin Rajonal të Shkodrës si pasojë e plagëve të rënda që mori nga përplasja.
Drejtuesja e automjetit, E. N., është arrestuar nga Policia Rrugore e Shkodrës dhe akuzohet për “Shkelje të rregullave të qarkullimit rrugor”.
Autoritetet policore kanë bërë të ditur se hetimet për zbardhjen e plotë të rrethanave të aksidentit janë ende në vijim.
