Përkeqësohet raporti, niveli i ryshfetit në Shqipëri tre herë më i lartë sesa mesatarja e Europës Lindore

Google+ Pinterest LinkedIn Tumblr +

Korrupsioni në Shqipëri vijon të jetë ende në nivele alarmante.

Sipas raportit më të fundit nga Banka Botërore, ky fenomen në vendin tonë është tre herë më i lartë sesa në vendet e Europës Lindore dhe Azisë Qëndrore.

Në pyetësorin që është zhvilluar me bizneset, 36.1% e tyre pranuan se u është kërkuar ryshfet nga ana e zyrtarëve, të paktën një herë.

Mesatarja në Europën Lindore dhe Azi është 11.9%, ndërsa në rang global është 17.4%.

Korrupsioni nga zyrtarët publikë sipas Bankës Botërore, mund të jetë një barrë e madhe për firmat, duke krijuar një klimë të pafavorshme të të bërit biznes.

Kësisoj rriten edhe kosot apo rreziqet për drejtimin e një firme private.

Raporti i Bankës Botërore publikohet një herë në gjashtë vjet dhe nga viti 2013 është përkeqësuar dyfish.

Shpërndaje
Share.

Komento