Përgjaket autostrada Tiranë-Durrës, “Toyota” përplas për vdekje 52-vjeçarin

Një aksident me pasojë vdekjen ka ndodhur mëngjesin e sotëm në autostradën Tiranë-Durrës.

Ngjarja e rëndë është regjistruar në zonën e Sukthit.

Një mjet tip “Toyota”, i drejtuar nga 47-vjeçari me iniciale F.H., ka përplasur për vdekje një këmbësor.

Sipas policisë, viktima është një 52-vjeçar me iniciale G.H.

Drejtuesi i mjetit ndërkohë është shoqëruar nga policia, për të bërë sqarimin e rrethanave të ngjarjes.

Informacion paraprak

Më datë 14.09.2019, në orët e para të mëngjesit, në Sukth, Durrës, në aksin rrugor Tiranë – Durrës mjeti tip Toyata, me drejtues F.H., 47 vjeç, ka aksidentuar me pasoje vdekje shtetasin këmbësorë G.H., 52 vjeç.

Drejtuesi i mjetit është shoqëruar në ambientet e policisë për sqarimin e rrethanave të ngjarjes.