Avioni i fundit amerikan sapo është larguar nga Afganistani. Lajmin e ka bërë të ditur Sekretari i Shtypit i Penatagonit, John Kirby i cili thotë se pas 20 vitesh forcat amerikane tani janë larguar nga Afganistani.
Po ashtu edhe kreu i Komandës Qendrore të SHBA -së, gjenerali Kenneth McKenzie, njoftoi se fluturimi i fundit nga Kabuli është ngritur tani dhe se “tani po pastron hapësirën ajrore mbi Afganistanin”.
“Tërheqja e sonte nënkupton si fundin e komponentit ushtarak të evakuimit, por edhe fundin e misionit gati 20 -vjeçar që filloi në Afganistan menjëherë pas 11 shtatorit 2001,” tha ai. “Është një mision që e solli Osama Bin Ladenin para drejtësisë së bashku me shumë nga bashkë-komplotistët e tij të Al Kaedës. “Kostoja ishte 2,461 pjesëtarë të shërbimit amerikan dhe civilë të vrarë dhe më shumë se 20,000 të cilët u plagosën. Mjerisht, kjo përfshin 13 anëtarë të shërbimit amerikan të cilët u vranë javën e kaluar nga një sulmues vetëvrasës i rastit të ISIS.
“Ne e nderojmë sakrificën e tyre sot ndërsa kujtojmë arritjet e tyre heroike,” shtoi McKenzie.
Ai ka shtuar se asnjë fjalë nuk mund t’i tregoj sakrificat dhe emocionet që kanë përjetuar ata njerëz dhe ka shtuar se ndjehet krenar që ai dhe djali i tij kanë qenë pjesë e misionit. “Asnjë fjalë nga unë nuk mund të kapë sasinë e plotë të sakrificave dhe arritjeve të atyre që shërbyen, as emocionet që ata po ndiejnë në këtë moment, por unë do të them se jam krenar që edhe djali im edhe unë kemi qenë pjesë prej saj. ”
