Në një deklaratë të tijën ditën e martë, Presidenti i zgjedhur Trump njoftoi se Elon Musk, pronari i Tesla dhe rrjetit social ‘X’, do të punojë së bashku me Vivek Ramaswamy, ish-kandidatin presidencial republikan, për të udhëhequr departamentin që do të njihet si DOGE.
Trump theksoi se ky departament ka si objektiv të “zhdukë burokracinë qeveritare”, të “ulë rregulloret e tepërta”, të “shkurtojë shpenzimet e kota” dhe të “ristrukturojë agjencitë federale”.
Në anën tjetër, emërimi i Hegseth si Sekretar i Mbrojtjes ka ngritur shqetësime për mungesën e përvojës së tij në këtë fushë, veçanërisht për komentet e tij të mëparshme që kundërshtojnë idetë e diversitetit dhe barazisë.
Hegseth ka kritikuar idenë e shërbimit të përbashkët të burrave dhe grave, duke thënë se kjo i bën situatat më të komplikuara dhe se diversiteti në ushtri është një forcë, por kjo varet nga performanca e burrave të pakicave dhe e të bardhëve, që sipas tij mund të jenë të ngjashëm në aftësi, ndryshe nga gratë.
Në një tjetër postim, Musk theksoi: Kërcënim për demokracinë? Jo, kërcënim për burokracinë.
