Ditën e djeshme policia arrestoi shtetasin Leandro Pana, në kuadër të operacionit “Korinthos”.
Krimet e Rënda vendosën ndaj tij masën e sigurisë “Arrest me burg”, shkruan “Panorama”.
Organi i akuzës pretendon se Pana është bashkëpunëtor me 4 persona e tjerë të arrestuar në Greqi.
Të pestë këta persona kishin marrë peng Jetmir Terollarin dhe i kërkonin 10 mijë euro për ta lënë të lirë.
Mbi ta rëndojnë akuzat e “Shtrëngimit me anë të kanosjes ose dhunës për dhënien e pasurisë”si dhe “Heqja e paligjshme e lirisë”, e kryer në bashkëpunim.
Ndërkohë avokati i Panës pretendon, se klienti i tij nuk ka pasur dijeni për pengmarrjen.
Kujtojmë këtu se Jetmir Terollari u nis drejt Greqisë pas telefonatës nga e dashura e tij H.M, e cila i tha se i kishte gjetur punë në shtetin helen.
Terollari u nis drejt Greqisë dhe ndërsa priste në stacionin e autobusëve, u mor me forcë në makinë nga Xh.N.
Më pas pengmarrësit nëpërmjet 24-vjeçarit L.P, kërkonin që t’i merrnin 10 mijë euro vëllait të Terollarit në Tiranë.
Kanë qenë telefonatat e rrëmbyesve në Greqi dhe 24-vjeçarit, të cilat bënë të mundur identifikimin e vendodhjes së pengut.
