Pesë raste të reja me Covid-19 janë zbuluar gjatë 24 orëve të fundit në qytetin e Gjirokastrës.
Mësohet se 5 rastet e reja janë raste kontakti, persona të infektuar nga një pedagoge e Univeristetit “Eqerem Çabej”. Pedagogia ka infektuar burrin, dy fëmijët e saj dhe nipin si dhe një kolege tjetër në Universitet.
Virusin pedagogia dyshohet se e ka marrë nga studentët e rretheve pasi ata ishin paraqitur për të dhënë një provim të mbartur. Temperatura dhe humbja e shijes kanë qenë simptomat e para që e kanë detyruar atë të bëjë tamponin, i cili më pas rezultoi pozitiv.
Kujtojmë se dje Ministria e Shëndetësisë ka dhënë shifra rekord , teksa bëri përditësimin e të dhënave. Gjatë 24 orëve të fundit janë kryer 420 testime për të dyshuar të prekur me Covid-19, nga të cilat janë konfirmuar 90 raste pozitive. Shpërndarja gjeografike e rasteve është si vijon: 36 raste në Tiranë, 15 në Durrës, 11 në Vlorë, nga 8 raste në Kukës, Krujë, 4 në Kurbin, 3 në Elbasan, 2 në Lushnje, nga 1 rast në Lezhë, Kamëz, Dibër
