Procesi ndaj Saimir Tahirit ka mbërritur edhe në Kuvendin e Shqipërisë.
Ishte pikërisht deputeti demokrat, Myslim Murrizi, ai që ka prekur këtë temë.
Deklarata e tij erdhi, pas rrëzimit të dekretit të presidentit Ilir Meta për kodin penal, me votat e maxhorancës.
Murrizi tha se Tahiri në orën 4, pasi të jepet vendimi i Krimeve të Rënda, mund të nxjerrë ndonjë filmim për kolegët e tij socialistë.
Sipas tij, socialistët nuk duhet ta kishin kaluar nenin për përgjimet, pasi një pjesë e mirë e tyre shpëtojnë nga kasetat, videot dhe përgjimet.
Ndër të tjera ai shtoi, se “kampioni”, siç e quan ai Tahirin, do t’i nxjerrë nëpër emisione kasetat në hotelet në jug të Shqipërisë.
“6 mije te burgosur ka sot Shqiperia, ku do i coni, edhe ata që arrestuat me daulle e tam tame, nën nismën e famshme gjobit pa hesap, që të heqim vëmendjen nga kriza reale, do ikin në shtëpi, sepse kanë lekë ata. Ju thoni Kod Penal për cikërima. E pashë reagimin e presidentit dhe në fakt u habita që e kishte quajtur të përshtatshëm nenin për përgjimet, teknikat e këto duhen anuluar. Po ti kthehem retrospektivës, edhe ju nuk duhet ta kishit bërë këtë punë se një pjesë e mirë e juaj, shpëtoni nga kasetat, videot, regjistrimet. Do i mbyllni emisionet investigative, se këta rrezikojnë burgun tashi, nëse shfaqin në emisione investigative kaseta dhe video, i bien të hyjnë ne kokërr të burgut. Kampioni po shkon në gjykatë dhe nga ora 4 do jepet vendimi. Ndoshta e ka edhe ai ndonjë përgjim, ndonjë kasetë për ju për këta, për ata që ishin këtu dhe zbritën këtu, në ndonjë hotel në jug të Shqipërisë. Duhet të hyjë në fuqi sot pasdite në orën 17:00 sepse pas vendimit në orën 16:00 do t’ju nxjerri kasetat dhe videot nëpër ekrane dhe nuk do dini ku të shkoni, votoni dhe ruani veten. Ishalla nuk ju kap bukur atje ku jeni filmuar”, u shpreh Murrizi.
