Pamje të rënda/ U qëllua për vdekje nga policia, momentet e fundit të baroneshës së drogës në Meksikë

Google+ Pinterest LinkedIn Tumblr +

Maria Guadalupe Lopez Esquivel, e njohur ndryshe si “La Catrina”, u qëllua për vdekje gjatë një shkëmbimi zjarri me policinë meksikane.

“La Catrina” ishte drejtuesja e një prej karteleve më të fuqishme të drogës në vend.

Vetëm 21 vjeç, Maria Guadalupe ishte e përfshirë në sulmet kundër ushtrisë, rojeve kombëtare dhe policisë në La Bocanda, një qytet në qendër të shtetit të Michoacan.

Autoritetet bëjnë me dije, se 6 persona janë arrestuar, ndërsa “La Catrina” u qëllua për vdekje, gjatë një shkëmbimi zjarri me policinë.

Viktima u identifikua nga tatuazhet e shumtë që kishte në trup.

“La Catrina” u qëllua me plumb në qafë dhe ndërroi jetë si pasojë e gjakderdhjes.

Mësohet se në momentin e shkëmbimit të zjarrit me policinë, “La Catrina” po takohej me Miguel “M2”, drejtues i një tjetër karteli të fuqishëm, i cili mundi të arratisej.

“La Catrina” gjithashtu ishte takuar me Joaquin Guzman i njohur si “El Chapo”, 3 muaj përpara se ky i fundit të arrestohej.

 

Shpërndaje
Share.

Komento