Një mega operacion po zhvillohet sot kundër kundër trafikut të drogës po zhvillohet sot (25 Shtator) nga policia italiane dhe Guardia di Finanza e Brescia. Aksioni po zhvillohet edhe në Tiranë gjithashtu, sipas raportimeve nga mediat vendase, që i referohen autoriteteve ligjzbatuese. Deri tani ka 21 persona të arrestuar dhe janë lëshuar 61 urdhër-arresti që po ekzekutohen njëkohësisht në të katërta shtetet. Mes të ndaluarve ka edhe shtetas shqiptarë të dyshuar, teksa autoriteteve u janë dashur 4 vite hetime.
Operacioni i quajtur “Tornado” po realizohet kundër një organizate ndërkombëtare të trafikut të drogës me bazë në Shqipëri e me shtrirje në Itali, Zvicër e Poloni. Operacioni që po koordinohet nga Europol, është rezultat i hetimeve 4-vjecare që kanë shfrytëzuar dhe zbërthimin e bisedave në “Sky ECC”. Mes të arrestuarve është edhe Vincenzo Bruno, me lidhje të dyshuara me Sacra Corona Unita në zonën e Brindisit. Bashkë me të edhe arkëtari i klanit të cilit iu sekuestruan gati një milion euro cash. Sipas hetimeve, ata ishin në kontakt me drejtuesit e organizatës me qendër në Shqipëri dhe që shiste kokainë e cila më pas importohej në Itali nga Holanda dhe Spanja. Mësohet se në kuadër të kësaj organizate u bashkuan dy grupe të ndryshme: një italo-kinez dhe një shqiptar. Ky i fundit menaxhonte drogën dhe i pari pastronte paratë. Grupi dyshohet se ka pastruar fitime të paligjshme përmes një sistemi të “faturave për operacione inekzistente” për mbi 375 milionë euro, ndërsa sot janë sekuestruar asete me vlerë mbi 60 milionë euro. Ende nuk ka informacion zyrtar se sa persona janë arrestuar nga policia shqiptare. Detaje priten në orët në vijim.
