Varianti i ri i Covid-19 ka alarmuar tashmë të gjithë botën, teksa po përhapet me shpejtësi në shumë shtete.
Sipas një studimi të publikuar nga Instituti Kombëtar për Sëmundjet Transmetuese,njerëzit në Afrikën e Jugut që infektohen me COVID-19 në valën e katërt aktuale të infeksioneve kanë 80 për qind më pak gjasa të shtrohen në spital nëse infektohen me variantin Omicron, krahasuar me variantet e tjera.
Ndërkohë që sipas mediave të huaja, pasi pranohet dikush në spital, rreziku i sëmundjes së rëndë nuk ndryshon nga variantet e tjera, thanë autorët e udhëhequr nga shkencëtarët Nicole Ëalter dhe Cheryl Cohen.
Krahasuar me infeksionet Delta në Afrikën e Jugut midis muajit prill dhe nëntorit, infeksionet me Omicron shoqërohen me një rrezik 70 për qind më të ulët të sëmundjeve të rënda, thanë ata. Të dhënat e Omicron u mblodhën për muajt deri në nëntor.
Që kur u identifikua nga shkencëtarët e Afrikës së Jugut më 25 nëntor, varianti Omicron ka nxitur numra rekord të rasteve në të gjithë vendin. Ekonomia më e zhvilluar e Afrikës ka inokuluar plotësisht rreth 44 për qind të popullsisë së saj të rritur gjatë një periudhe shtatë mujore.
Simptomat që raportohen nga shteti afrikan janë lodhja dhe rrahjet e larta të zemrës. Profesori deklaroi që këto nuk janë të dhëna zyrtare dhe nuk janë të vërtetuara shkencërisht. Ai tha se deri tani nuk ka prova, që demostrojnë që Omicron ka rritur infektimet dhe nëqoftëse ka rritur infektimet te personat e vaksinuar.
