Covid ka kohë që po merr shumë jetë, teksa ka gjunjëzuar botën me variantet e reja. E ndërsa Omicron po shënon rritje të numrit të viktimave dhe rasteve të reja, , shkencëtarët kanë paralajmëruar se ky nuk do të jetë varianti i fundit i koronavirusit vdekjeprurës që do të ;pushtojë; botën. Sipas “Wionews”, shkencëtarët kanë deklaruar se çdo variant i jep virusit një shans për mutacion, dhe Omicron ka një avantazh mbi të gjitha variantet e mëparshme sepse përhapet shumë më shpejt. Ka qenë Leopardi Martinez, një epidemiolog i sëmundjeve infektive në Universitetin e Bostonit, ai i cili ka deklaruar se përhapja e shpejtë e Omicron, mund të sjellë përhapjen e një mutacioni të ri.
Leopardi Martinez:
Sa më shpejt të përhapet Omicroni, aq më shumë mundësi ka për mutacion, duke çuar potencialisht në më shumë variante.
Sipas mediave të huaja, Omicron ka më shumë gjasa se Delta të riinfektojë individët që tashmë janë infektuar me Covid. Ndërkohë sipas zyrtarëve federalë të shëndetësisë në SHBA, varianti Omicron është ngjitës dhe shumica e njerëzve në vend do të infektohen. Autoritetet thanë se shpresojnë që rritja do të ulet me shpejtësi, edhe pse Omicron vendos rekorde të reja për rastet e reja. Varianti Omicron, i cili ka mutacione të shumta kyçe, është përhapur me shpejtësi në mbarë botën dhe ka thyer rekorde për raste të reja ditore në SHBA.
