Organizata Botërore e Shëndetësisë është shprehur e shqetësuar për numrin e njerëzve që mund të vuajnë nga Covid-19 afatgjatë, edhe pse shifrat ende nuk dihen.
Organizata Botërore e Shëndetit u bëri thirrje njerëzve që luftojnë me pasojat e virusit – pavarësisht se janë shëruar nga faza akute – të kërkojnë ndihmë mjekësore. COVID-19 i gjatë mbetet një nga aspektet më misterioze të pandemisë.
“Kjo sindromë post-COVID, ose COVID i gjatë, është diçka për të cilën OBSH është shumë e shqetësuar”, tha Maria Van Kerkhove, drejtuese teknike e agjencisë shëndetësore të OKB-së, në një konferencë shtypi.
Ajo tha se OBSH po sigurohet që të ketë njohje për këtë fenomen, sepse është diçka e vërtetë. Van Kerkhove u shpreh se nga të infektuarit me COVID-19, shumë vuajnë nga efektet afatgjata.
“Ne nuk e dimë sa kohë zgjasin këto efekte dhe ne po punojmë edhe në një përkufizim të rastit për të kuptuar dhe përshkruar më mirë se çfarë është kjo sindromë pas COVID”, tha Van Kerkhove.
Ajo tha se OBSH po punonte për të pasur programe më të mira rehabilitimi për pacientët me COVID-19 të gjatë plus kërkime më të gjera për të fituar një kuptim më të mirë të asaj që është sindroma dhe si mund të menaxhohet.
