Qeveria britanike ndryshon rregullat për udhëtarët nga Franca, të vaksinuarit nuk kanë nevojë për karantinë

Qeveria britanike ka vendosur të lehtësojë rregullat për udhëtarët francezë që janë të vaksinuar plotësisht nga Covid-19. Në një deklaratë të mërkurën vonë, u bë me dije se ata nuk do të kenë më nevojë të karantinohen.

Ndryshimi-i cili do të hyjë në fuqi në orën 4:00 të mëngjesit të dielën, e vendos Francën përsëri në të ashtuquajturën listën e vendeve “të pastra”  të Anglisë nën sistemin e saj të kufizimit për udhëtarët që vijnë nga jashtë.

Qeveria muajin e kaluar lehtësoi rregullat për të lejuar që njerëzit nga vendet “e pastra” të vaksinuar me një vaksinë të miratuar nga rregullatorët në Shtetet e Bashkuara dhe Bashkimin Evropian të hyjnë pa pasur nevojë të izolohen. Sidoqoftë, mbërritjet nga Franca ishin përjashtim.

Britania tha se veproi mbi frikën në lidhje me përhapjen e llojit Beta, edhe pse kryesisht ai preku territoret jashtë Francës. Por zyrtarët në Paris e quajtën këtë veprim “diskriminues”.

Franca tani bashkohet me dhjetëra vende të tjera në listën e pastër të Britanisë – përfshirë shumë anëtarë të BE dhe SHBA – e cila urdhëron testet e virusit para dhe pas mbërritjes për ata të që janë të vaksinuar në ato territore. Të tjerët duhet të izolohen në shtëpi për 10 ditë.