Një aksident ndodhi pasditen e djeshme në Vlorë. Disa makina janë përfshirë në këtë aksident, ku i lënduar mbeti drejtuesi i mjetit i cili shkaktoi edhe kaos në qarkullim pasditen e djeshme.
Drejtuesi i mjetit nuk e kishte vënë re se ishte pak metra më tej një rrethrrotullim, ndaj edhe e kishte drejtuar mjetin drejt duke përfunduar mbi disa makina të parkuara, në oborrin e Gjykatës së Apelit.
Pamjet u publikuan nga “Balkanweb”, ku me dije bëhet se policia ka kryer edhe veprimet hetimore në vendin e ngjarjes duke shoqëruar në komisariat edhe drejtuesin e mjetit, identiteti i të cilit nuk është bërë me dije.
