Faqet zyrtare të Paris Saint-German në rrjetet sociale i janë dedikuar vetëm zyrtarizimit të Lionel Messi-t me klubin francez, teksa videot e njëpasnjëshme e kanë konfirmuar përfundimisht lajmin. “Një diamant i ri në Paris”, shkruhet në njërën prej videove, teksa Messi ka mbërritur tashmë në Parc des princes.
“Paris Saint-Germain është i lumtur të njoftojë nënshkrimin e Leo Messit me një kontratë dyvjeçare me një opsion për një vit të tretë”, njofton klubi.
Vetë Lionel Messi është shprehur se është i paduruar për të filluar një kapitull të ri të karrierës së tij në Paris. Ai tha se klubi dhe vizioni i tij janë në harmoni me ambiciet e tij dhe se është i vendosur që të ndërtojë së bashku me lojtarët dhe stafin, diçka të madhe për klubin dhe tifozët.
“”Unë jam i paduruar për të filluar një kapitull të ri të karrierës sime në Paris. Klubi dhe vizioni i tij janë në harmoni të përsosur me ambiciet e mia. Unë e di se sa të talentuar janë lojtarët dhe stafi këtu. Unë jam i vendosur të ndërtoj, së bashku me ta, diçka të madhe për Klubin dhe për tifozët. Mezi pres të shkoj në lëndinë në Parc des Princes”, është shprehur Leo.
