Elita Rudi ishte e ftuar mbrëmjen e sotme në “5 datat” ku ka folur rreth shumë momenteve interesante të jetës së saj personale dhe profesionale.
Moderatorja bukuroshe ndër të tjera është ndalur edhe te njohja me Gjiko, të cilin e ka njohur falë emisionit të saj.
Sakaq, Elita thotë se gjatë takimit ai i ka thënë të lyejë flokët e zeza, sepse aso kohe ajo ka qenë bjonde, madje dhurata e parë që ai i ka blerë është pikërisht një bojë flokësh.
Në fillim nuk doja ta takoja, e kam shtyrë disa herë takimin, thoja ‘Jo nuk dua ta takoja’. Nuk mendoja se do më jepte atë energji që më dha. Në takimin e parë mbetëm 8 orë bashkë. Edhe dhurata e parë e Gjikos ka qenë një bojë flokësh e donte t’i bëja të zeza e tani nuk më le t’i bëj më bjonde.
Ndërkohë, Elita para disa ditësh ishte në Turqi me shoqet e saj dhe ju desh të qëndronte disa ditë pa Zërin, për të cilin tregoi se qante shumë.
Bukuroshja zeshkane tregoi se shtatzënia e dytë ishte e paplanifikuar dhe se sapo kishte nisur emisionin, mirëpo sikundër tha ajo e vendos familjen të parën.
Pas pandemisë u ktheva në punë, por në momentin që u ktheva zbulova që jam shtatzënë. Por te unë fiton familja, nuk e kam primare punën. Ka shumë gjëra me të cilat mund të merrem. Ndoshta Zoti ka dashur kështu./IconStyle/
