Komisioni i Pavarur i Kualifikimit, po zhvillon seancën dëgjimore, me gjyqtaren e Gjykatës së Posaçme, Marsela Balilin.
Hetimi për Bilalin është kryer vetëm në kriterin e pasurisë.
Gjyqtarja bëri kërkesë për riçeljen e hetimit për dy kriteret e tjera, por trupa gjykuese vendosi ta rrëzojë në këtë fazë të procesit.
Gjithashtu në fillim të seancës, Bilali dorëzoi një vërtetim punësimi të prindërve të saj në SHBA.
Në raportin e ILDKPKI, rezulton se deklarimi nuk është i saktë dhe ka fshehje të pasurisë.
Në pronësi të gjyqtares janë një apartament duplex në Tiranë, i blerë në vitin 2010, për shumën e 125 mijë eurove.
Si burim është deklaruar një kredi, shitja e një apartamenti, 14 mijë euro hua, ndërsa i duhet të shlyejë edhe 10 mijë euro.
Komisioni ka gjetur mospërputhje për blerjen dhe pagimin e kësteve për këtë apartament.
Ka ndryshim në aktmarrëveshjen që është deklaruar në 2007-ën, por edhe në çmim, duke rezultuar se apartamenti është blerë më pas nga sa ishte tregu.
Ndërsa për makinën “Ford Fiesta” të blerë për 4 mijë euro në 2012-ën, është deklaruar si burim, një pjesë huaje, marrë shtetasit M.M.
Për ligjshmërinë e të ardhurave të këtij personi ka dyshime të forta, për shkak të mungesës së dokumentacionit dhe mospërputhjeve të deklarimit.
Parregullsi janë gjetur edhe tek llogaritë për fëmijët e mitur, ku rezulton se çifti ka pasur mungesë financiare.
Gjithashtu gjyqtarja ka deklaruar se ka marrë dy shuma nga babai i saj në SHBA, për blerjen e një apartamenti në Vlorë.
Subjekti nuk ka deklaruar përdorimin e aprtamentit, ndërsa rezulton se babai i gjyqtares ka pasur mundësi financiare për këtë pasuri.
Mospërputhje janë konstatuar edhe për një motoçikletë në emër të bashkëshortit, të blerë në 2012-ën, për 140 mijë lekë të reja.
