Nepal: Avioni përplaset me helikopterin e parkuar, humbin jetën tre persona

Google+ Pinterest LinkedIn Tumblr +

Si rezultat i përplasjes së një avioni të vogël pasagjerësh me një helikopter të parkuar, tre persona humbën jetën dhe katër të tjerë kanë mbetur të plagosur.

Ngjarja është shënuar këtë të dielë në aeroportin e vetëm në rajonin e Everestit.

Ngjarja ndodhi ndërsa avioni, Summit Air, ishte nisur nga aeroporti Tenzing-Hillary, përpara se të përplasej me një helikopter që ndodhej në pistë, ka bërë të ditur një zëdhënës i policisë, Raj Kumar Chhetri.

Në aksident humbën jetën një prej pilotëve dhe një polic, ndërsa një tjetër ndërroi jetë në spitalin e Katmandusë. Pas rrëzimit, autoritetet pezulluan shërbime në aeroportin Tenzing Hillary në Lukla, portë për në malin Everest. Aeroporti shpesh quhet si më i rrezikshmi në botë për shkak të pistës së shkurtër dhe qasjes së vështirë.

Shpërndaje
Share.

Komento