Ajola Xoxa, bashkëshortja e kryebashkiakut të Tiranës, Erion Veliaj, është paraqitur në SPAK në zbatim të masës së sigurisë “detyrim paraqitje” të vendosur ndaj saj nga Gjykata e Posaçme.
Ajo është nën hetim për korrupsion pasiv, pastrim parash dhe fshehje të pasurisë.
Ndërkohë, në orën 14:00 të ditës së sotme, në Gjykatën e Apelit të Posaçëm po shqyrtohet kërkesa e Erion Veliajt për lirimin nga paraburgimi.
Seanca po zhvillohet me trup gjykues të kryesuar nga gjyqtari Engert Pëllumbi. Veliaj ndodhet në paraburgim në Durrës që prej 10 shkurtit dhe përballet me akuza për korrupsion pasiv në nëntë raste dhe pastrim parash.
Deri më tani, kërkesat e tij për masë më të lehtë sigurie janë rrëzuar nga gjykatat.
