E gjithë bota po përballet me pandeminë e Covid-19 dhe ajo që po pritet me padurim është vaksina e cila do të lehtësojë luftën me këtë virus.
Kancelarja gjermane Angela Merkel ka treguar se cilat grupime të shoqërisë gjermane do të vaksinohen të parët sapo qeveria e Berlinit të sigurojë vaksinat anti-Covid, pasi ato nuk janë të mjaftueshme për gjithë grupet e popullsisë.
Në një deklaratë për shtyp ditën e sotme, Merkel tha se të parët që do të marrin vaksinën janë personat që kujdesen në shtëpitë e të moshuarve dhe të moshuarit pasi ata janë, kategoria më e rrezikuar për të mos e përballuar virusin.
“Sapo të jenë të disponueshme vaksina të besueshme, ata që janë përgjegjës për kujdesin ndaj të sëmurëve dhe ata që kanë nevojë për kujdes mund të vaksinohen shpejt,” tha Merkel. “Kjo vlen edhe për grupet e rrezikut, përfshirë ata që kanë nevojë për kujdes, bluzat e bardha, personat me sëmundje të tjera, të moshuarit, dhe ambientet kolektive si fasoneritë dhe burgjet.”
Merkel dhe 16 kryeministrat shtetërorë do të takohen të hënën për të shqyrtuar masat aktuale të pjesshme të mbylljes, të cilat përfshijnë një ndalim të udhëtimit jo-thelbësor dhe mbylljen e bareve dhe restoranteve.
Ndërkohë kujtojmë se para pak ditësh u njoftua se kompania amerikane Pfizer dhe ajo gjermane BioNTech, kanë finalizuar me sukses vaksinën e parë 90% efektive kundër Covid-19 dhe sipas analizave paraprake, kjo vaksinë mund t’i parandalojë mbi 90 për qind të njerëzve nga kontraktimi i virusit.
