Autoritete e Emirateve të Bashkuara Arabe kanë refuzuar ekstradimin e Plurent Dervishaj për në Shqipëri.
Dervishaj u lirua ditën e djeshme nga gjykata me argumentin se materialet nga Shqipëria kanë mbërritur me vonesë. SPAK dhe Policia e Shtetit ende nuk është vënë në dijeni për këtë fakt.
Kujtojmë se Dervishaj kërkohej nga drejtësia shqiptare për vrasjet e Vajdin Lamës dhe Klodian Saliut që prej vitit 2005, një prej ish-drejtuesve të Bandës së Durrësit.
Kërkesa për ekstradim nga SPAK është firmosur në 21 dhjetor 2020. Plaurent Dervishaj u kap më 10 dhjetor 2020 në Dubai dhe është dorëzuar më 28 dhjetor 2020 pranë Ministrisë së Jashtme të Emirateve të Bashkuara Arabe, adresuar Zyrës Konsullore.
Akuzat:
48-vjeçari kërkohet të ekstradohet në bazë të vendimit penal Nr.115, datë 02.12.2020 të Gjykatës së Posaçme të Shkallës së Parë për Korrupsionin dhe Krimin e organizuar Tiranë, për caktimin ndaj tij të masës së sigurimit “arrest në burg”, për kryerjen e veprave penale “Vrasje me paramendim”, kryer në bashkëpunim në formën e grupit të strukturuar kriminal, “Mbajtja pa leje dhe prodhimi i armëve, armëve shpërthyese dhe i municionit”, “Grup i strukturuar kriminal” dhe “Vrasja në rrethana të tjera cilësuese”, kundër dy ose më shumë personave, e kryer në bashkëpunim në formën e grupit të strukturuar kriminal.
