Në kërkim ndërkombëtar për drogë dhe prostitucion, kapet lezhiani i rrezikshëm

Google+ Pinterest LinkedIn Tumblr +

Forcat e policisë në Lezhë, kanë zhvilluar një operacion për kapjen e personave të rrezikshëm.

Si rezultat është arrestuar 23-vjeçari Edmond Tetaj.

Ky i fundit ishte dënuar nga Gjykata e Monzas në Itali me 20 vite burg, për “Trafik narkotikësh” dhe “Shfrytëzim prostitucioni”.

I riu ishte shpallur gjithashtu në kërkim ndërkombëtar nga drejtësia italiane.

Në të njëjtën kohë u arrestuan edhe tre persona të tjerë, për vepra të ndryshme penale, duke filluar që nga “Vjedhja”, “Armëmbajtja pa leje” dhe “Prodhim e shitje lëndësh narkotike”.

Në pranga ranë, E.N. 22 vjeç, Blerjan Përgjeçi 28 vjeç dhe E.Sh. 32 vjeç.

Njoftimi i policisë

Në kuadër të planit operacional të koduar “Qarku”, shërbimet policore të Drejtorisë dhe Komisariateve të Policisë Kurbin dhe Lezhë kanë ushtruar kontroll të gjerë në gjithë territorin e Lezhës me qëllim kapjen e personave në kërkim, si dhe atyre që qarkullojnë me armë zjarri e sende tjera kundërligjshme.

Si rezultat i tij, falë edhe mbështetjes dhe bashkëpunimit me qytetarët, u lokalizuan dhe u kapën shtetasit e shpallur në kërkim ndërkombëtar e kombëtar, konkretisht:

U arrestua përkohësisht me qëllim ekstradimi, shtetasi Erikson Tetaj, 23 vjeç, banues në Lezhë. Gjykata Monza Itali e ka dënuar me 20 vite burg për veprat penale “Shfrytëzim prostitucioni” dhe “Trafikim i lëndëve narkotike”, kryer në bashkëpunim. Interpol Tirana në bashkëpunim me Interpol Romën po vijojnë procedurat për ekstradimin e tij drejt Italisë.

U kap dhe u ndalua shtetasi në kërkim kombëtar E.N., 22 vjeç, banues në Laç, për veprën penale “Vjedhja”. Ky shtetas dyshohet se është autori i vjedhjes së dyqanit të shtetases B.K., në Laç, ndodhur më 10 korrik 2019, ku ka vjedhur mallra dhe vlera monetare.

Gjithashtu, po në vijim të operacionit:
U arrestua shtetasi Blerjan Përgjeçi, 28 vjeç, banues në Mamurras, për veprën penale “Armëmbajtja pa leje”. Këtij shtetasi, gjatë kontrollit fizik iu gjet dhe sekuestrua në cilësinë e provës materiale një armë zjarri pistoletë TT me krehër me 7 fishekë, pa leje.

U procedua penalisht shtetasi E.Sh., vjeç 32, banues në Lezhë, për veprën penale “Prodhimi dhe shitja e lëndëve narkotike”. Këtij shtetasi, gjatë kontrollit fizik iu gjetën dhe sekuestruan në cilësinë e provës materiale disa doza lëndë narkotike.

Drejtoria Vendore e Policisë Lezhë, falënderon qytetarët për besimin dhe mbështetjen dhe i fton që të denoncojnë çdo rast të paligjshmërinë në numrin unik 112 dhe në Komisariatin Dixhital, duke u garantuar anonimat të plotë dhe reagim të menjëhershëm e të paanshëm.

Shpërndaje
Share.

Komento