Ukraina po përjeton 3 javë luftë me Rusinë, ndërkohë që situata e negociatave akoma nuk duket se është drejt një rrugëzgjidhje.
Forcat ruse dyshohet se kanë rrëmbyer kryebashkiakun dhe zëvendësin e qytetit port ukrainas Skadovsk, sipas ministrit të Jashtëm të Ukrainës, Dmytro Kuleba.
Oleksandr Yakovlev, kryebashkiak i Skadovsk, një qytet port në rajonin Kherson të Ukrainës , dhe zëvendësi i tij, Yuri Palyukh, dyshohet se u kapën nga ushtria ruse, raportuan mediat lokale.
Kujtojmë që kameramani i Fox News, Pierre Zakrzeëski, u vra së bashku me një kolege ukrainase, Oleksandra Kuvshynova, teksa raportonin në periferi të Kievit mbi situatën në kryeqytetin ukrainas. Ata po udhëtonin në një makinë me gazetarin e stacionit të njohur televiziv, Benjamin Hall, kur drejt mjetit të tyre u hap zjarr. Hall, një korrespondent i Departamentit të Shtetit, është shtruar në spital, por ende nuk ka informacione mbi gjendjen e tij. Zakrzeëski, 55 vjeç, shtetas irlandez por që jetonte në Londër, kishte punuar në Ukrainë që prej muajit shkurt.
Me udhëtimin e tyre drejt Kievit në kohën kur Ukraina është e sulmuar prej Rusisë, një veprim sa i guximshëm, aq edhe i rrezikshëm, kryeministrat e Polonisë, Slloveniase dhe republikës Ceke, u përpoqën të tregonin se vendi do të ketë të gjithë mbështetjen e BE-së. Pas takimit me presidentin Volodymir Zelensky, shefi i ekzekutivit polak, Mateusz Moraëiecki i bëri thirrje Bashkimit Europian që Ukrainës t`i jepët sa më parë statusi i vendit kandidat.
