Janë të shumta rastet kur në Kosovë fëmijëve i vendoset emri frymëzur nga ndonjë figurë e njohur, nga emra qytetesh apo fjalë që kanë domëthënie të veçantë. Por këto nuk janë raste të rralla, kreativiteti këtë herë në Kosovë ka arritur kulmin. Një familje ka zgjedhur një emër mjaft të pazakontë për vajzën e porsalindur. Emri është frymëzuar nga një parti politike dhe vajza do të quhet Vetëvendosje. Me sa duket familja është mbështetëse e madhe e Lëvizjes VetëVendosje të drejtuar nga Albin Kurti. Emrin e lëvizjes tashmë do e ketë edhe vajza në fshatin Sovje në Prishtinë. Familja Peposhi kanë vendosur të quajnë vajzën e tyre Vetëvendosje Peposhi.
Lëvizja Vetëvendosje është një nga partitë me mbështetjen më të madhe në Kosovë. Sondazhet për zgjedhjet e parakohshme të 15 shkurtit e nxjerrin LVV si partinë fituese me më shumë vota. Kujtojmë që liderit të Lëvizjes, Albin Kurtit i është ndaluar të kandidojë në zgjedhje nga Gjykata Supreme pasi ka një dënim të formës së prerë për incidentet e shkaktuar me gazin lotsjellës në Kuvendin e Kosovës pak vite më parë. Ditën e sotme ai deklaroi nga Shtima se pas zgjedhjeve nuk do të bënte koalicion me asnjë parti, pasi këtë e kishte bërë me Vjosa Osmanin ku kjo e fundit do të jetë presidente dhe Albini kryeministër.
