Seanca e sotme plenare ka pasur një zhvillim maratonë dhe është e ndarë në tre pjesë, në këtë pjesë pritet që të ketë debate të forta për programin qeverisës që prezantoi kryeministri Edi Ram n ë pjesën e parë.
Pjesa e tretë ka nisur pa kryeministrin Rama dhe kjo ka sjell revoltimin e PD-së e cila ka kërkuar ndërprerjen e seancës dhe rikthimin e kryeministrit Edi Rama në parlament për të dëgjuar e opozitës.
Ka qenë nënkryetari i Partisë Demokratike, Alfred Rushaj tha se opozita e respektoi detyrimin kushtetues.
“Opozita ndenji në seancë dhe dëgjoi lloj-lloj gjërash që vetëm me programin nuk kishin të bënin. Kërkojmë që të ndërpritet seanca, të vijë kryeministri dhe të dëgjojë propozimet e opozitës”, deklaroi Rushaj.
Nga ana tjetër kreu i PD Lulzim Basha, të cilit i është dhënë fjala nga kryeparlamentarja Lindita Nikolla nuk ka pranuar të flasë pa ardhur kryeministri në sallë.
Kujtojmë se ish-kryeministri Sali Berisha ka mbetur jashtë grupit parlamentar të Partisë Demokratike. Kuvendi ka njohur kërkesën e PD për mos ta patur Berishën pjesë të grupit, pasi u përjashtua me herët nga kryedemokrati Lulzim Basha.
Ndër të tjera, rregullorja e Kuvendit parashikon se një deputet që largohet nga grupi parlamentar, mund t’i bashkohet një grupi tjetër gjashtë muaj nga data e largimit.
