Dëmet e erërave të forta ditën e sotme kanë qenë të jashtëzakonshme, mirëpo në një raportim të fundit mësohet se kemi edhe dy viktima.
Dy të rinj janë gjetur të vdekur në zonën e Buzhalës, në Pukë, ku sipas familjarëve ata ishin së bashku në stan me bagëtitë.
Sipas informacioneve të ardhura nga policia, të rinjtë kanë rënë në greminë për shkak të motit të keq dhe erërave të forta.
Ata janë T.Pjetri 20 vjeç dhe K.Maka 24 vjeç, të cilët dyshohet t’i ketë marrë era gjatë kohës që ishin me bagëti. Policia tashmë ndodhet në vendngjarje duke kryer hetimet e duhura dhe në një moment të dytë të dalë me një informacion zyrtar.
