Sot, kryeministri Edi Rama mblodhi Kryesinë e Partisë Socialiste.
Gjatë mbledhjes u morën vendime të rëndësishme, siç ishte caktimi i datës për mbajtjen e Kongresit më datë 29 shkurt.
Por, nuk munguan as vendimet që lidhen me strukturën e kësaj force politike.
I tillë është lajmi për miratimin e dy emrave, që do të jenë bashkëkryetarë të PS-së në Tiranë.
Bëhet fjalë për ministren Elisa Spiropali dhe deputetin Ervin Bushati.
Dy emrat u miratuan me dakordësim të plotë të anëtarëve të Kryesisë, të cilët besojnë se Spiropali dhe Bushati do të mirëorganizojnë punën e tyre.
Kryesia e Përgjithshme e PS u mblodh një ditë pas mbledhjes maratonë të qeverisë në Golem.
Zgjedhjet e brendshme të partisë dhe organizimi i strukturave të saj ishin çështjet krysore të kësaj mbledhjeje.
