Presidenti Ilir Meta ka komentuar ditën e sotme deklaratat që Fatos Nano bëri pak ditë më parë në një intervistë në emisionin Opinion. Nano tha për Metën se ai ka “shtatë mëkatet e Biblës.” Meta nga ana tjetër nuk kafolur shume, duke thënë se nuk shkon edhe të luash kumar, edhe të citosh biblën.
‘’Zero komente, zero, zero. Edhe të merresh me kumar, edhe të citosh Biblën nuk shkon.’’- tha Meta.
Ndër të tjera, presidenti i vendit ka komentuar edhe deklaratat e ambasadores amerikane, Yuri Kim që ka kerkuar kandidimin e njerëzve pa rekorde kriminale në zgjedhjet e 25 prillit. Meta ka thënë se duhet të tregohet vullnet nga forcat politike dhe nga qytetarët për t’u distancuar nga njerëz që nuk i përfaqësojnë. Ai ka thënë se partitë duhet të paraqesin figura me integritet.
”Fakti që ne kemi bërë një ligj për dekriminalizimin, tregon se ka qenë problem serioz. I Kuvendit, pushtetit vendor, i niveleve të tjera, të qeverisjes. E domosdoshme më 25 prill të tregohet vullnet nga forcat politike, dhe vetë qytetarët për t’u distancuar nga figurat që nuk përfaqësojnë qytetarët, interesin e lartë publik. Dhe që kanë ato problemet e qarta në ligjin e dekriminalizimit.
Partitë të jenë në garë me figura me sa më shumë intigreitet.”- tha Meta.
