Presidenti Ilir Meta, i ftuar në emisionin “Të Paekspozuarit” në “News 24”, i është përgjigjur sulmeve që kryeministri Edi Rama bëri në një emision televiziv pak kohë më parë se është shkelur Kushtetuta me kthimin e disa ligjeve si dhe me mosdekretimin e Genc Cakës si ministër.
Kreu i Shtetit kishte marrë me vete Kushtetutën të cilët e hapi në emision ndërsa citoi nenin 155 për financat.
Meta u shpreh se qytetarët duhet të jenë të qetë, pasi presidenti i Republikës merr vendimet e tij vetëm sipas ligjit dhe Kushtetutës.
“Unë kam ardhur me Kushtetutë nëse doni detaje. Të gjithë qytetarët që na ndjekin duhet të jenë të qetë sa i takon presidentit të tyre, pasi çdo akt dhe veprim i tij ka qenë në interes të respektimit të Kushtetutës dhe në mbrojtje të interesave shtetërore. Aty u tha se Rama ka shkelur dividentin. Neni 155 thotë tek Financat se taksat dhe tatimet përcaktohen me ligj. Në këto raste ligjit nuk mund t’i jepet fuqi prapavepruese. Çdo qëndrim i Presidentit është në respekt të Kushtetutës. Kuvendi është sovran dhe mori vendimin e saj, por presidenti zbaton Kushtetutën. Është e qartë se kush e shkel Kushtetutën”- tha Meta.